“PRIMAVERA IN WONDERLAND” — 2027
FROM GEORGIA WITH LOVE
2027 წლის 5–7 მარტი,ბათუმი
ფესტივალის შესახებ:
II საერთაშორისო ფესტივალ-კონკურსს „PRIMAVERA IN WONDERLAND — From Georgia with Love“ ატარებენ კომპანიები “GEO.FEST.GEORGIA” და “TEAM TRAVEL”.
ფესტივალ-კონკურსი გაიმართება 2027 წლის 6 მარტს ქალაქ ბათუმის საკონცერტო დარბაზში.
ფესტივალზე ყოფნის პერიოდში მონაწილეებს შესაძლებლობა ექნებათ არა მხოლოდ მიიღონ მონაწილეობა ფესტივალში, არამედ მოინახულონ აჭარის მრავალი საინტერესო და თვალწარმტაცი ადგილი,გაეცნონ ისტორიასა და კულტურას.
მოგესალმებით აჭარაში — საქართველოს ერთ-ერთ ულამაზეს და გამორჩეულ მხარეში, სადაც ერთმანეთს ერწყმის ზღვის სილურჯე, მთების სიმწვანე, უძველესი ისტორია, მდიდარი კულტურა და სტუმართმოყვარეობა.
კეთილი იყოს თქვენი მობრძანება აჭარაში!
აჭარა ის ადგილია, სადაც დილით შეგიძლიათ შავი ზღვის სანაპიროზე გაისეირნოთ, დღის განმავლობაში მთის სუფთა ჰაერით დატკბეთ, უძველესი ციხესიმაგრეები და ისტორიული ძეგლები მოინახულოთ, საღამოს კი ბათუმის განათებული ქუჩებითა და ზღვისპირა ქალაქის განსაკუთრებული ატმოსფეროთი დატკბეთ.
ეს მხარე მხოლოდ დასასვენებელი ადგილი არ არის — აჭარა საქართველოს ისტორიის, კულტურული მრავალფეროვნებისა და ეროვნული იდენტობის მნიშვნელოვანი ნაწილია.
აჭარას მრავალსაუკუნოვანი და საინტერესო ისტორია აქვს. იგი სამხრეთ-დასავლეთ საქართველოში, შავი ზღვის სანაპიროზე მდებარეობს და უძველესი დროიდან მნიშვნელოვანი ადგილი იყო სავაჭრო, კულტურული და სამხედრო თვალსაზრისით.
ამ ტერიტორიაზე უძველესი ქართული ტომები ცხოვრობდნენ. აჭარა ისტორიულად დაკავშირებულია კოლხეთის სამყაროსთან და მოგვიანებით სამხრეთ-დასავლეთ საქართველოს პოლიტიკურ და კულტურულ ცხოვრებასთან.
აჭარის ისტორიაში განსაკუთრებული ადგილი უჭირავს გონიოს ციხეს, რომელსაც ანტიკურ ხანაში აფსაროსი ეწოდებოდა. იგი რომაული სამყაროს ერთ-ერთი მნიშვნელოვანი სამხედრო და სავაჭრო პუნქტი იყო. საუკუნეების განმავლობაში აჭარაზე გავლენას ახდენდა სხვადასხვა სახელმწიფო და იმპერია, რამაც მხარის კულტურასა და არქიტექტურაში მრავალფეროვანი კვალი დატო ბათუმი აჭარის დედაქალაქი და საქართველოს ერთ-ერთი ყველაზე ცნობილი ქალაქია. იგი შავი ზღვის სანაპიროზე მდებარეობს და ქვეყნის ერთ-ერთი უმნიშვნელოვანესი საზღვაო ნავსადგურია.
ბათუმის ისტორია ანტიკურ ხანამდე მიდის. საუკუნეების განმავლობაში ქალაქი სავაჭრო გზების, კულტურებისა და ხალხების შეხვედრის ადგილი იყო. განსაკუთრებით დიდი მნიშვნელობა ბათუმმა XIX საუკუნის მეორე ნახევრიდან შეიძინა, როდესაც მისი ნავსადგური და ნავთობის ტრანსპორტირება რეგიონის ეკონომიკური განვითარების მნიშვნელოვანი ფაქტორი გახდა.
რა შეგიძლი მოინახულო აჭარაში!
ბათუმის ბოტანიკური ბაღი
ქალაქის ჩრდილოეთით, მწვანე კონცხზე მდებარე ბოტანიკური ბაღი ბუნების მოყვარულთა ნამდვილი სამოთხეა. აქ მსოფლიოს სხვადასხვა კუთხიდან ჩამოტანილი მცენარეები, ეგზოტიკური ხეები, ყვავილები და ზღვის ულამაზესი ხედები დაგხვდებათ. ბაღი 1912 წელს გაიხსნა და დღესაც აჭარის ერთ-ერთი მნიშვნელოვანი ბუნებრივი ღირსშესანიშნაობაა.
ალი და ნინოს ქანდაკება
ეს მოძრავი ქანდაკება სიყვარულის, შეხვედრისა და დაშორების სიმბოლოდ აღიქმება. იგი შთაგონებულია ქურბან საიდის ცნობილი რომანით, რომელშიც ორი განსხვავებული კულტურის წარმომადგენლის სიყვარულის ისტორიაა მოთხრობილი. ქანდაკება ბათუმის ერთ-ერთი ყველაზე შთამბეჭდავი ღირსშესანიშნაობაა, განსაკუთრებით საღამოს, განათებული ზღვის ფონზე.
ევროპის მოედანი
მოედნის ცენტრში აღმართული მედეას ქანდაკება ოქროს საწმისის მითს უკავშირდება და საქართველოს უძველეს კავშირებს კოლხეთის სამყაროსთან გვახსენებს. აქ ისტორია, არქიტექტურა და ქალაქის თანამედროვე ცხოვრება ერთმანეთს ერწყმის.
გონიო-აფსაროსის ციხე
ბათუმიდან დაახლოებით 12 კილომეტრში მდებარე ეს ისტორიული ციხესიმაგრე აჭარის უძველეს წარსულს გვაცნობს. იგი რომაულ, ბიზანტიურ და ოსმალურ ეპოქებთან არის დაკავშირებული. ციხის კედლები და კოშკები სტუმარს იმ დროის წარმოდგენაში ეხმარება, როდესაც შავი ზღვის სანაპირო მნიშვნელოვანი სამხედრო და სავაჭრო გზა იყო. აქ არქეოლოგიური აღმოჩენებიც არის დაცული.
მახუნცეთის ჩანჩქერი
აჭარის მთებში, სიმწვანეში ჩაფლული ჩანჩქერი ერთ-ერთი ყველაზე პოპულარული ბუნებრივი ღირსშესანიშნაობაა. წყლის ხმაური, გრილი ჰაერი და გარშემო არსებული მთიანი პეიზაჟები სტუმარს ქალაქის ხმაურისგან სრულიად განსხვავებულ გარემოს სთავაზობს.
პეტრას ციხე
ციხე-ქალაქი პეტრა ციხისძირში, ზღვის თავზე მდებარეობს. მისი ისტორია VI საუკუნეს უკავშირდება და ბიზანტიური ეპოქის მნიშვნელოვანი მოვლენების ნაწილს წარმოადგენს. აქ ისტორიული ნანგრევები და შავი ზღვის ფართო პანორამა ერთმანეთს განსაკუთრებულად ერწყმის.
ფესტივალში მონაწილეობის მოთხოვნები:
ფესტივალ-კონკურსში მონაწილეობა შეუძლიათ ბავშვთა და ახალგაზრდულ ჯგუფებს, ასევე ინდივიდუალურ შემსრულებლებს 5 წლიდან და ზევით(ასაკის შეუზღუდავად) შემდეგ კატეგორიებში: ვოკალი, ქორეოგრაფია, ინსტრუმენტული ჟანრები,თეატრალური წარმოდგენა, მოდის თეატრი, საცირკო წარმოდგენა,პანტომიმა, ფოტოგრაფია და მხატვრობა.
I. ვოკალი: კლასიკური მუსიკა, ფოლკლორი, პოპი, ჯაზი, როკი, რეპი, სოული, მიუზიკლი და საავტორო სიმღერები.
1. სოლო;
2. დუეტი, ტრიო, კვარტეტი, კვინტეტი;
3. გუნდი.
II. ქორეოგრაფია : ნაციონალური ცეკვა, სტილიზებული ნაციონალური ცეკვა, ეთნიკური ცეკვა, საესტრადო ცეკვა , კლასიკური ბალეტი, სამეჯლისო ცეკვა, თანამედროვე ,მოდერნი და ჯაზის ცეკვა, ფლამენკო, ნეოკლასიკური ცეკვა და სპორტული ცეკვები: ტექნო, ელექტრო ბუგი, ქუჩის ცეკვა, ჰიპ-ჰოპი, ბრეიკდანსი, დისკო, პოპ-ლოკინგი, K-pop და ა.შ.
1. სოლო;
2. დუეტი, ტრიო, კვარტეტი, კვინტეტი;
3. ჯგუფები და ანსამბლი.
III. ინსტრუმენტული ჟანრები - ფოლკლორი, კლასიკური, ჯაზი, დასარტყამი ინსტრუმენტები, გიტარის ჯგუფი, ჯაზ-ჯგუფი, კამერული ორკესტრი, აკორდეონი, ხალხური ინსტრუმენტების ანსამბლი, ვოკალურ-ინსტრუმენტული ანსამბლები,ფორტეპიანო, ჩასაბერი და დასარტყამი ინსტრუმენტები (საყვირი, ჰობოი, კლარნეტი); ხალხური ინსტრუმენტები (აკორდეონი, გიტარა, სიმებიანი ინსტრუმენტები, გუსლი, დომბრა).სიმებიანი ინსტრუმენტები ;(ვიოლინო, ალტი, ჩელო, კონტრაბასი, კობიზი); საესტრადო ინსტრუმენტები (ელექტრო გიტარა, ელექტრო ბას-გიტარა, კლავიშებიანი ინსტრუმენტები, დასარტყამი ინსტრუმენტები), როკ-ჯგუფი.
1. სოლო;
2. დუეტი, ტრიო, კვარტეტი, კვინტეტი;
3. ჯგუფი და ანსამბლი.
IV. თეატრი,მოდის თეატრი, პანტომიმა, ორიგინალური ჟანრები,საცირკო წარმოდგენა.
V. ფოტოგრაფია - შემოქმედებითი ხელოვნება, მხატვრობა, დეკორატიული და გამოყენებითი ხელოვნება.
ასაკობრივი კატეგორიები ვოკალური და ინსტრუმენტული ჟანრები:
1. ასაკობრივი კატეგორია 5-7 წელი
2. ასაკობრივი კატეგორია 8-10 წელი
3. ასაკობრივი კატეგორია 11-13 წელი
4. ასაკობრივი კატეგორია 14-16 წელი
5. ასაკობრივი კატეგორია 17-19 წელი
6. ასაკობრივი კატეგორია 20-24 წელი
7. ასაკობრივი კატეგორია 25 წლის და ზემოთ
8. შერეული ასაკობრივი კატეგორია
ასაკობრივი კატეგორიები: ქორეოგრაფია, თეატრი,მოდის თეატრი, პანტომიმა, ორიგინალური ჟანრები, საცირკო წარმოდგენა, ფოტოგრაფია, მხატვრობა, გამოყენებითი ხელოვნება:
1. ასაკობრივი კატეგორია 5-7 წელი
2. ასაკობრივი კატეგორია 8-10 წელი
3. ასაკობრივი კატეგორია 11-13 წელი
4. ასაკობრივი კატეგორია 14-16 წელი
5. ასაკობრივი კატეგორია 17-19 წელი
6. ასაკობრივი კატეგორია: 20-24 წელი
7. ასაკობრივი კატეგორია: 25 წელი და ზევით
8. შერეული ასაკობრივი კატეგორია
შეფასების კრიტერიუმები: საშემსრულებლო უნარი
მოძრაობის ტექნიკა
წარმოდგენის კომპოზიციური სტრუქტურა
სცენოგრაფია/პლასტიკა, კოსტიუმები, რეკვიზიტები, საშემსრულებლო კულტურა
რეპერტუარის სირთულე
რეპერტუარის ადაპტაცია შემსრულებლის საშემსრულებლო შესაძლებლობებთან და ასაკობრივ ჯგუფთან
მუსიკალური და ქორეოგრაფიული მასალის შერჩევა და შესაბამისობა
ხელოვნების, მხატვრული გამოხატულება
ინსტრუმენტული ოსტატობა
ანსამბლის შესრულების ტექნიკური შესაძლებლობები
მუსიკალური ნაწარმოების მხატვრული ინტერპრეტაცია
შემსრულებლების ტექნიკური შესაძლებლობები
პროგრამის მხატვრული დიზაინი, რეკვიზიტები
მოთხოვნები კონკურსის მონაწილეებისათვის:
თითოეულმა შემსრულებელმა (სოლო, დუეტი, ტრიო და ა.შ.) უნდა წარმოადგინოს ერთი საკონკურსო კომპოზიცია 3 წუთის ხანგრძლივობით,(თუ ვოკალისტს სურვილი აქვს შეასრულოს მეორე კომპოზიცია მაშინ იხდის იგივე თანხას რასაც პირველ კომპოზიციაში) . ქორეოგრაფიულმა ჯგუფებმა უნდა წარმოადგინონ ორი საკონკურსო კომპოზიცია (ერთი და იგივე ჟანრში), თითოეული მაქსიმუმ 6 წუთის ხანგრძლივობით. თუ ჯგუფი შეასრულებს ერთ ხალხურ ცეკვას, ხოლო მეორე - თანამედროვე ცეკვას, მან უნდა გადაიხადოს დამატებითი(ნომინაციის) მონაწილეობის საფასური. თეატრალური წარმოდგენების ხანგრძლივობა არ უნდა აღემატებოდეს 20 წუთს. ყველა კომპოზიცია MP3 ფორმატით წინასწარ უნდა იყოს გადმოგზავნილი ფესტივალის ორგანიზატორებთან ელექტრონული ფოსტით მისამართზე geofestival2023@gmail.com. წერილში(მეილში) აუცილებლად მითითებული უნდა იყოს ანსამბლის დასახელება და კომპოზიციის სახელწოდება, ასევე ხელმძღვანელებმა თან უნდა იქონიონ ყველა კომპოზიცია მეხსიერების ბარათზე(ფლეშ მეხსიერების ბარათზე).
თითოეული აუდიოჩანაწერი უნდა იყოს გამოგზავნილი და შეიცავდეს ნაწარმოების სათაურს, ანსამბლის სახელს, შემსრულებლის სახელს და გვარს, ნაწარმოების ხანგრძლივობას. თქვენს განაცხადში აუცილებლად უნდა მიუთითოთ, ნაწარმოები/კომპოზიცია უნდა დაიწყოს წერტილით თუ კულისებიდან, გთხოვთ, განაცხადში მიუთითოთ ფესტივალის მონაწილეთა და მათი ხელმძღვანელების სახელი და გვარი. ეს სახელები დიპლომზე ინგლისურ ენაზე დაიბეჭდება. თუ შევსებულ განაცხადში რაიმე შეცდომას დაუშვებთ, თქვენი დიპლომები ხელახლა არ დაიბეჭდება! ასევე უნდა მიუთითოთ თქვენი ტექნიკური მხარდაჭერა
(ტექნიკური რაიდერი), რა გჭირდებათ სცენაზე( მიკროფონების რაოდენობა,სკამი,განათება და ა.შ) განაცხადში მითითებული უნდა იყოს ხელმძღვანელის ან მონაწილის (ინდივიდუალური მონაწილის შემთხვევაში) ელექტრონული ფოსტის მისამართი და ტელეფონის ნომრები :
(Viber, WhatsApp)!
საკონკურსო პროგრამის დროს (ვოკალური ნომრები), როგორც ვოკალურ ანსამბლებს, ასევე სოლისტებს ეკრძალებათ პლიუს ფონოგრამის გამოყენება!
საკონკურსო პროგრამის დროს ყველა მონაწილე ასრულებს სიმღერას მინუს ფონოგრამის თანხლებით. სოლისტებს შეუძლიათ გამოიყენონ ჩაწერილი ბექ-ვოკალი თანხლებით რომელიც არ იმეორებს მთავარ სიმღერას. დუეტებსა და ანსამბლებს შემთხვევაში ჩანაწერი უნდა იყოს ბექ-ვოკალის გარეშე.
სავალდებულოა!!!!! მუსიკალური ინსტრუმენტებისა და აღჭურვილობის შეერთებასთან დაკავშირებული ტექნიკური საკითხები წინასწარ შეთანხმდეს ხმის ინჟინერთან!
ყველა მოთხოვნა უნდა იყოს მითითებული ტექნიკურ ინსტრუქციაში!
თითოეულმა მონაწილემ (მხატვარმა და ფოტოგრაფმა) უნდა წარმოადგინოს არაუმეტეს ორი საკონკურსო ნამუშევარი, რომელთა ზომა არ უნდა აღემატებოდეს A3 ზომას.
მხატვრების ნამუშევრების თემა თავისუფალია.
გამოყენებული ტექნიკა მრავალფეროვანია;
ფოტოგრაფების მიერ არჩეული თემა მრავალფეროვანია.
ფესტივალის მონაწილეები დაჯილდოვდებიან.
კონკურსანტებს საერთაშორისო ჟიური შეაფასებს.
კონკურსის შედეგების მიხედვით, ფესტივალის მონაწილეებს გალა კონცერტზე ვაჯილდოვებთ.
ყველა მონაწილეს ფესტივალის ორგანიზატორებისგან: “TEAM TRAVEL” და “GEO.FEST.GEORGIA” გადასცემს დიპლომებს და სუვენირებს.
ჯგუფურ და ინდივიდუალურ შემსრულებლებს ასაკობრივი კატეგორიების მიხედვით ჟიური შეაფასებს. საერთაშორისო ჟიური გადასცემს ფესტივალის გრან-პრის, ასევე პირველი, მეორე და მესამე ადგილის, ლაურეატების წოდებებს და გამარჯვებულის დიპლომს თითოეულ კატეგორიასა და ასაკობრივ კატეგორიაში.
ფესტივალის ორგანიზატორების სპეციალური პრიზი! მაყურებლის რჩეულის ჯილდო! ჟიურის მიერ გადაწყვეტილი სპეციალური დიპლომები და პრიზები გაიცემა შემდეგ კატეგორიებში:
„ფესტივალის აღმოჩენა“, „სასცენო მოძრაობა“,
„ყველაზე პატარა მონაწილე“, „საუკეთესო შესრულება“ და „ ნომრის ორიგინალური შესრულება“
თუ გრან პრის ან საპრიზო ადგილების ღირსეული პრეტენდენტები არ იქნებიან, ეს ადგილები არ გაიცემა!!!
გალა კონცერტის პროგრამას ჟიურის წევრთა გადაწყვეტილების საფუძველზე განსაზღვრავს რეჟისორი და საპროდიუსერო ჯგუფი.
საერთაშორისო ჟიურის გადაწყვეტილება საბოლოოა და მისი შეცვლა შეუძლებელია !!!
გამარჯვებული ჯგუფები და ინდივიდუალური შემსრულებლები “GEO.FEST.GEORGIA”-სა და “TEAM TRAVEL”-ისგან მრავალ შეთავაზებას მიიღებენ, რათა მონაწილეობა მიიღონ ჩვენი კომპანიისა და ჩვენი საერთაშორისო პარტნიორების მიერ ორგანიზებულ ფესტივალებსა და კონკურსებში, როგორც საქართველოში ასევე მის ფარგლებს გარეთ.
დამატებითი ინფორმაცია:
ორგანიზატორები იტოვებენ უფლებას, კონკურსის დროს გადაიღონ ფოტოები და ვიდეოები და გაავრცელონ ისინი.
ჯგუფების ხელმძღვანელები პასუხისმგებელნი არიან მონაწილეთა ჯანმრთელობასა და უსაფრთხოებაზე.
კონკურსში მონაწილეობის მისაღებად თქვენ უნდა დაეთანხმოთ „კონკურსის წესებს“.
ორგანიზატორები იტოვებენ უფლებას, შეიტანონ ცვლილებები კონკურსის პროგრამაში.
მონაწილეებს კონკურსის პროგრამაში ცვლილებების შესახებ ეცნობებათ პირადად.
გთხოვთ, კონკურსის პროგრამაში ნებისმიერი ცვლილების შესახებ აცნობოთ ორგანიზატორებს კონკურსის დაწყებამდე არაუგვიანეს ერთი კვირით ადრე.
ამის შემდეგ პროგრამა არ შეიცვლება.
ფესტივალის პროგრამა:
“PRIMAVERA IN WONDERLAND” — 2027
FROM GEORGIA WITH LOVE
1 დღე -5 მარტი—მონაწილეების გამომგზავრება ბათუმში. (გონიო)
სადილი სასტუმროში.
განთავსება გონიოს სასტუმრში ,3 და 4 ადგილიან ნომრებში.
თავისუფალი დრო.
ვახშამი სასტუუმროი.
2 დღე- 6 მარტი —
საუზმე სასტუმროში.
მონაწილეების გამგზავრება ბათუმის საკონცერტო დარბაზში.
საფესტივალო პროგრამის გახსნა და კონკურსის დაწყება.
სადილი სასტუმროში ან დარბაზში ლანჩ-ბოქსი (პროგრამიდან გამომდინარე)
გალა კონცერტი და დაჯილდოვების ცერემონია.
ვახშამი სასტუმროში.
3 დღე -7 მარტი
საუზმე სასტუმროში.
მონაწილეების გამგზავრება.
ფესტივალში მონაწილეობის (პაკეტის) საფასურში შედის:
1.განთავსება გონიოს სასტუმროში 3 ღამე, 4 დღე.
(განთავსება 3-4-5 ადგილიან ნომრებში).
2.კვება სამჯერადი.
3.ტრანსპორტირება.
4.ტრანსპორტირება ფესტივალის დროს.
5.ჯგუფური კატეგორიის (მონაწილეობის) საფასური.
6.უფასო ადგილი ჯგუფის ხელმძღვანელებს, 20+ 1 ადგილის
განლაგების საფუძველზე.
7. ჯგუფის ხელმძღვანელს და ყველა მონაწილეს დიპლომი, მედალი
და საჩუქრები ორგანიზატორებისგან.
8.დამატებითი გადასახადები:
9.სოლო შემსრულებლები იხდიან დამატებით საფასურს.
დუეტი,ტრიო,კვარტეტი,კვინტეტი იხდის დამატებით საფასურს.
P.S.: თუ ფესტივალზე მისული ჯგუფი ავტობუსებში ნაგავს, საკონცერტო დარბაზში ჭუჭყიან გასახდელებს დატოვებს, საკონცერტო დარბაზში სახელმწიფო ქონებას დააზიანებს ან ფესტივალის მიერ წარმოდგენილ სასტუმროებში ქონებას დააზიანებს, ჯგუფს დაეკისრება ჯარიმა, რომელიც ზარალის ოდენობის ტოლია, რომელსაც განსაზღვრავს სასტუმროსა და ავტობუსის მფლობელი, ასევე საკონცერტო დარბაზის ფასების სია, რომელსაც ჯგუფი ფესტივალზე მისვლამდე გაეცნობა.
განაცხადის წარდგენისა და გადახდის ბოლო ვადა: 15 თებერვალი.
შეგიძლიათ დაგვიკავშირდეთ თქვენთვის მოსახერხებელი ნებისმიერი გზით და ჩვენ რაც შეიძლება მალე გიპასუხებთ!
მობილური ტელეფონები: +995 557 50 12 28; +995 592 45 31 09;
Viber: +995 557 50 12 28+995 592 45 31 09;
WhatsApp: +995 557 50 12 28+995 592 45 31 09;
ელ.ფოსტა: geofestival2023@gmail.com
ჩვენი ტელეფონის ნომრები:
WhatsApp; Viber; Telegram: +995 557 50 12 28
(თამუნა - კითხვები ფასების, პროგრამის და ადგილმდებარეობის შესახებ)
WhatsApp; Viber; Telegram:+995 592 45 31 09
(ელენე-ფესტივალის პრეზიდენტი)
ელ.ფოსტა: geofestival2023@gmail.com
(განაცხადებისა და ფესტივალის ჩანაწერებისთვის, ფონოგრამები)